「反送中」修例爭議持續數月，特首林鄭月娥近日與不同黨派的立法會議員會晤，已退休的資深傳媒人曾智華在社交平台狠批特首林鄭月娥「一人『有病』，全港蒙難」，竟因她一個人的決定，對抗全港幾百萬人的意願，導致香港民怨大爆發。
張堅庭現身書展，為一本關於海外升學的新書舉行簽名會，講到近月香港有許多事發生，他認為林鄭責無旁貸：「香港……我諗我覺得如果要對香港要負起一個歷史責任，林鄭月娥你真係要快啲用一個好合理嘅理由……相信佢而家情緒比較焦慮，我諗佢瞓覺、睡眠都唔夠，同埋佢而家冇咗一個管治嘅意志，喺咁嘅情況，佢就盡量同中央商討，快啲畀佢落台，佢自己辭職，相信個社會起碼嗰個緊張變到從容，尤其市民同警察矛盾，你每一次都係加深大家嘅怨恨。」
他有留意連月的警民衝突，持平地說：「搵唔到源頭，跟住你真係搵唔番個源頭，你又真係劈過我、我又揼過你，你話邊個唔啱？邊個都有唔啱嘅時侯，你再擺班人去最前方，呢個係一個好大嘅悲劇嚟，我諗喺最後關頭……既然喺政治上犯咗啲錯誤，我覺得如果真係要為傷口補救，我覺得林鄭月娥係要負一個歷史責任，佢鞠躬下台我覺得對全世界都係一個最好嘅舉措，喺呢個懸崖嘅邊緣裏面，真係真係真係體現吓，鞠躬下台，起碼會有一個歷史嘅位置。」
(資料來源：網上截圖/連結)